[A:12r][C:39v]

8 ADDITIO³⁸ post 25^am39

Colores iridis primariae in rorida nube generatos a solaribus radiis refringi⁴⁰ ad oculum per angulum, qui recti dimidius est, propter⁴¹ octogonae figurae in singulis guttis per eadem puncta repetitam repercussionem⁴².

9 Nam singulae roridae guttulae, quamvis parvae, sphericae⁴³ tamen sunt, quandoquidem aqua⁴⁴ semper, tamquam corpus homegeneum, in figuram elementi sui semper⁴⁵ conglobatur. Cumque in singulis talibus rorantis aquae globulis illapsus solis radius binis a locis ad visum refringatur⁴⁶, scilicet a superficie convexa et concava, tamquam scilicet a speculo convexo et cavo; talis repercussio, propter globulorum parvitatem ad visum ferri non potest, nisi aggeminatis⁴⁷ reverberationibus adiuta roboretur. 10 Tunc autem aggeminantur refractiones, cum per eadem periferiae puncta, servatis aequalium inclinationum angulis circulatim repetitae circumferuntur. Nam radiorum repetitio corroborat primam, secundam⁴⁸, tertiam et reliquas successive refractiones. Sed ab huiusmodi guttulis reflexio fieri non potest per angulum quam obtusissimum⁴⁹, neque per angulum quam acutissimo proximum. 11 Illic⁵⁰ enim, propter obliquitatem primarii radii, lux reflexa debilis est, hic⁵¹ vero propter vicinitatem eiusdem obtunditur. Fiet ergo reflexio talis per aliquem⁵² angulum medium. Efficacissimus autem ad id erit angulus recti dimidius. Nam reflexio ad hunc angulum facta repetitis per octona puncta periferiae radiis. Ita roboratur, ut colorem quendam in luce et aqua concreatum exprimat⁵³ ac vi[S:51]sui [C:40r] repraesentet⁵⁴.

// 12 Sint enim in ambitu guttulae octona puncta paribus intervallis distincta abcdefgh⁵⁵. Radii autem solis kad, lhe aut aequidistantes, aut insensibiliter ab aequidistantibus differentes. Iam tunc⁵⁶ a superficie convexa guttulae radius lh reflectetur⁵⁷ ad visum per radium hm, et a superficie cava radius kad redibit ad oculum per radium dgm, uterque scilicet ad angulum recti dimidium. 13 Quamvis enim radii reflexi concurrant ad visum spectantis m, insensibiliter⁵⁸ discrepant ab aequidistantia propter guttulae parvitatem⁵⁹ et magnam remotionem. // Continuentur itaque reliqua puncta per rectas be, bg, ch, cf, fa⁶⁰. // Sic⁶¹ enim ex repetita per haec octo puncta repercussione per ambitum aquei⁶² globuli, corroborati radii hm⁶³, dgm et generatis coloribus inebriati⁶⁴ ad visum spectantis m, sub angulo lhm qui recti dimidius est, deferuntur. 14 Et quod de uno aquae globulo, id de universis et perinde⁶⁵ de tota iride ostendetur. // Et quoniam aequalitas anguli non nisi per aequales distantias, et aequales distantiae non nisi in circulari cingulo⁶⁶ servari possunt; propterea et circularem apparere iridem, et⁶⁷ ad angulum recti dimidium, necesse est, quemadmodum proponitur.

15 Scholium.

Hinc est quod guttulae quaedam super herbarum frondibus conglobatae⁶⁸ ad solis radium per lineam quandam spectatae colorem quendam repraesentant; quod per lineam aliam spectatae non [C:40v] faciunt, quoniam scilicet illa visio ad anguli praedicti⁶⁹ reflexionem spectantis oculo refertur.