34^a Si unam contrapositarum linea quaedam tangat: et huic aequidistans ducatur in altera sectione; quae a tactu ad medium secantis ducitur, linea diameter erit contrapositarum.

Sint contrapositae sectiones a b. // Et unam ipsarum scilicet a tangat quaedam linea gd apud a. // Ipsique gd aequidistans ez in altera sectione: et bifariam secetur apud h. // Et coniungatur ah.

// Dico iam quod ah diameter est contrapositarum.

// Secus enim sit atc diameter. // Itaque per centrum, it²⁶¹ ipsa atc. // Et ideo, quae sectionem b tangit apud t aequidistat ipsi gd per 31^am praecedentem. // Sed gd ipsi ez aequidistat; igitur et tangens apud t ipsi ez aequidistat. // Quare, per 47^am praecedentis libri ec aequalis est ipsi cz. // Est autem eh aequalis hz quod est absurdum. // Nulla ergo alia, quam ah linea diameter est sectionis.

// Quod fuit demonstrandum.