[A:48v] 24^a Si parabolae coincidant duae lineae, singulae ad duo puncta neque alterius ipsarum contactio²⁰² sub alterius contactionibus²⁰³ contineatur coincident invicem lineae extra sectionem.

Sit parabole abg in quam duae lineae coincidant seorsum utraque ab altera, ipsae scilicet ab gd.

// Dico iam quod ab gd productae coincident extra sectionem.

// Ducantur enim per b g diametri sectionis ebz hgt per 46^am praemissi, aequidistantes, et per 26^am eiusdem ad unum solum punctum singulae parabolam secantes. Et coniungatur bg eruntque, per 29^am primi Euclidis

anguli ebg bgh duobus rectis aequales:

et perinde, cum ab gd productae faciant cum ipsa bg angulos minores duobus rectis, coincident extra sectionem. Quod erat demonstrandum.