Prolegomena

488 Restat adhuc nobis ostendendum quod sicut contingit cubos⁵³⁸ primi generis fieri ex congerie unius, duorum, trium et deinceps imparium per ordinem ab unitate succedentium singulos ab unitate continuatos in infinitum; ita et cubis centralibus similem dignitatem esse a natura tributam: ut scilicet ipsi cubi centrales ab unitate seriatim dispositi singuli constituantur ex aggregato unius, trium, quinque, septem et deinceps imparium successive [C:71r] sumptorum ab unitate imparium numerorum, semperque sub multitudine imparium per ordinem accepto. Demonstrabimus autem hoc, praemissis aliquot⁵³⁹ necessariis praeambulis.