F  r  a  n  c  i  s  c  i        M  a  u  r  o  l  y  c  i        O  p  e  r  a        M  a  t  h  e  m  a  t  i  c  a
Introduzione Help Pianta Sommario
Archimedis de momentis aequalibus Liber primus 44
<- App. -> <- = ->

PROPOSITIO XXXXIV.

Si aequeponderantibus circa idem centrum aequeponderantia adiiciantur, aggregata nihilominus aequeponderabunt ab eodem centro.

figura 41

Gravia A, B aequeponderent a puncto C: item in eadem linea applicentur duo gravia D, E ab eodem puncto C aequeponderantia: aio quod horum aggregata AE, et DB ab eodem puncto C aequeponderabunt: nam cum momentum A sit aequale momento B, et momentum E sit momento D: iam aggregatum ex A, E momentis aequale erit aggregato ex D, B momentis: quare per definitionem, ipsum AE momentum ipsi DB momento aequeponderabit: quod est propositum.

Inizio della pagina
 ->