10^a Si in coni sectione relicta sint¹¹⁸ duo puncta: recta linea, quae puncta connectit, intra sectionem cadit: quae autem in [[rectam]]¹¹⁹ ipsius, extra.

Conus, cuius vertex a basis autem circulus bg secetur plano per axim faciente, per 3^am, abg triangulum: secetur et¹²⁰ altero plano faciente in coni superficie sectionem dez in qua relicta sunt duo puncta h t. [A:6r]

Dico quod ht recta connexa cadit intra periferiam dez quae autem ipsi ht in rectum iungitur: extra cadit.

Cum enim puncta h t sint in superficie conica: et linea recta, quae puncta coniungit, non eat iam per verticem.

Ideo, per 2^am huius, ht linea intra conum, et perinde intra periferiam dze quae autem in rectum est ipsi extra conum periferiamque dze cadet¹²¹. Quod erat demonstrandum.