THEOREMA II¹⁶

6 Aequaliter inclinati radii, aequaliter; erectiores autem, magis; perpendiculares vero, maxime illuminant.

7 [C:3r]Intelligantur enim a signis¹⁷ A, B, C paralleli radii ad duo plana DEF et GHK aequaliter inclinati ad signa D, E, F et G, H, K, ¹⁸ radiare. Item et iidem ad planum GLM, erectiores in signis G, L, M ad planum vero GNO, in signis G, N, O perpendiculares¹⁹ illucere. Aio quod ipsa DEF et GHK plana aequaliter illuminantur: ipsum autem GLM, magis; ipsum GNO, maxime. Cum enim ipsi AG, BN et CO radii ad ipsa DEF et GHK plana sint aeque inclinati, erunt et aequaliter densi.²⁰ Cumque iidem sint ad GLM planum erectiores, erunt ibidem et densiores,²¹ cum denique ad GNO planum sint perpendiculares, erunt et in eodem densissimi,²² igitur per secundum [S:3] suppositum plana DEF et GHK, aequaliter; planum autem GLM, magis; ipsum vero GNO, maxime illuminabitur. Quod est propositum.

Corollarium

8 Hinc illud sequitur, ut solares radii locos, in quibus aeque inclinati fuerint, aequaliter; in quibus autem erectiores, magis; in quibus vero perpendiculares extiterint, maxime calefaciant. Cum enim calor lucem ipsam solis comitetur²³; cum eadem intenditur, et remittitur. Quare²⁴ praemissis theorematis facien[C:3v]tibus²⁵ verum est quod infertur. ²⁶