[S:2] THEOREMA I⁷

3 Unumquodque lucidi punctum in quodlibet illuminatae rei signum radiat.

4 In lucido enim A⁸ , signum quodlibet⁹, quod sit A, in rem illuminatam BC radiabit (ex¹⁰ primo supposito) per omnes rectas quas ab ipso A signo ad BC produci contingit¹¹. Sed ab ipso A signo ad omne rei BC signum recta linea produci potest, utpote lineae AB, AD, AE, AF, AC. Igitur et ipsum A signum in quodlibet ipsius BC rei punctum radiabit. Idem quoque ostendemus de quolibet ipsius lucidi A signo, a quo ad omnia ipsius BC loca rectae progrediuntur. Et hoc erat demonstrandum.

Corollarium

5 Hinc monstratum est a¹² lucido¹³ infinitas radiare pyramides¹⁴, quarum vertices in ipsius lucidi, bases vero in illuminati superficie consistunt. Item et infinitas, quarum bases in lucidi, vertices¹⁵ vero in illuminati superficie statuuntur.