14 Theorema VII

Si quid rectum partim intra diaphanum, partim extra, atque ipsius⁶² plano erectum ponatur, pars interior brevior, quam sit, sed in rectum reliqua⁶³ apparebit.

15 Ut si in⁶⁴ diaphano ab bacillum rectum⁶⁵ cd ipsi plano ab erectum⁶⁶ sit, parte ad intra diaphanum reliqua vero extra existente, ab oculo e videbitur signum d per radium fractum ebd⁶⁷, et apparebit per ultimum suppositum in signo f, ubi radius eb⁶⁸ ipsi df⁶⁹ in planum diaphani occurrit. Quare [C:29r] ad, apparebit sub mensuram af breviorem⁷⁰ et in rectum ipsi ca. 16 Ex qua quidem experientia liquet rem in loco concursus radii cum perpendiculari apparere, sicut extremum suppositum ratiocinatur⁷¹.