7^a Si cylindrus planis secetur uno quidem per axem aliis autem ei, quod per axem, parallelis: factorum in cylindro parallelogrammorum maximum est, quod per axem: duo autem parallelogramma utrimque ab axe aeque remota erunt aequalia.

Nam talia parallelogramma per 3^am huius sunt invicem aequiangula, et per corollarium eiusdem, eorumdem latera, quae in cylindrica superficie, sunt aequalia. Igitur eorum parallelogrammorum perpendiculares sive celsitudines sunt aequales; quare per primam 6ⁱ parallelogramma¹⁶ sunt ad invicem, sicut bases: sed basis eius, quod per axem, est maxima, quoniam scilicet diameter circuli; ergo et parallelogrammorum maximum est quod per axem.

Bases autem parallelogrammorum aeque remotorum ab axe per 3^am 3ⁱⁱ sunt aequales, quoniam scilicet aeque removetur a centru circuli; ergo et parallelogramma aeque remota ab axe sunt aequalia; quod est propositum.