Propositio 37^a

142 Omnis pyramis hexagona tetragonica constituitur ex pyramide pentagona collaterali et ex pyramide triangula praecedenti.

Exempli gratia, ostendam quod pyramis¹²⁶ hexagona quinta aequivalet aggregato duarum pyramidum, scilicet pentagonae collateralis et triangulae quartae sic: per diffinitionem pyramis¹²⁷ hexagona quinta coalescit ex unitate et ex quatuor hexagonis superficialibus sequentibus; tales autem hexagoni, per diffinitionem, singuli ex quatuor pentagonis collateralibus et ex totidem praecedentibus triangulis¹²⁸. 143 Cumque unitas et quatuor pentagoni sequentes, per diffinitionem¹²⁹, faciant quintam pyramidem pentagonam, quatuorque trianguli praecedentes conficiant quartam pyramidem triangulam¹³⁰, iam pyramis hexagona quinta, scilicet 95, conflabitur ex pyramide pentagona quinta, scilicet 75, et ex pyramide triangula quarta, scilicet 20; et similiter pro aliis locis accommodabitur demonstratio propositi.

1 1 1 5 6 3 12 15 6 22 28 10 35 45 20 75   95