PROPOSITIO XIV.

Datae cuilibet superficiei aliquem circulum esse aequalem.

Esto data quaelibet superficies A: describatur super quamvis lineam BD circulus BED, qui aut aequalis erit superficiei A aut minime aequalis. Si aequalis, constat iam propositum. Sin autem; tunc per v ii huius, sicut est circulus BED ad superficiem A, sic iam sit quadratum BD ad quadratum CF; eritque per decimam huius, sicut quadratum BD ad quadratum CF; sic omnino circulus BED ad circulum CGF; quamobrem sicut circulus BED ad circulum CGF, sic circulus BED ad superficiem A, et iccirco per nonam quinti aequalis est superficiei A circulus CGF. Rursum ergo constat propositum.