16^a Sint rursus contrapositae a b et punctum d in una non tangentium⁸⁵: et dbc sectioni ad unum solum punctum b coincidat aequidistans existens alteri non tangentium⁸⁶: et gdth utrique sectionum coincidat: sitque ut gd dt sic gh ht et ipsi db aequalis sit bc: tunc ducta per c h coincidet sectioni, ut pote apud z et aequidistans erit non tangenti⁸⁷, in qua punctum d et zd tanget sectionem.

Ducatur enim tangens dz. // Et per z punctum agatur linea aequidistans non tangenti⁸⁸, in qua punctum d. // Quae utique veniet, per c h puncta. // Si enim non eat per c [S:136] punctum: tunc per 34^am tertii⁸⁹ Conicorum bc non erit aequalis db. // Si autem non eat per punctum h tunc per 36^am eiusdem, non erit, ut gd dt sic gh ht. // Quae sunt contra hypothesim: // si autem per neutrum eat: utraque absurditas accidet. // Omnino igitur per utrunque punctorum c h veniet. // Itaque hc aequi[A:105r]distat non tangenti ⁹⁰, in qua punctum d. // Coincidit sectioni apud z et zd tangit sectionem: // sicut proponitur.