THEOREMA VII

20 In circuli centro vel periferia signum existens singulas ipsius periferiae partes aequaliter illustrat.

21 In circuli BCD centro A signum, in eiusdem vero⁵⁴ periferia B signum consistat. Aio quod tam A quam B signum periferiae BCD partes aequaliter illustrabit. Capiantur enim CD et DE, arcus invicem aequales, et agantur rectae AC, AD, AE, item BC, BD, BE, eruntque anguli CAD, [S:6] et DAE invicem aequales. et ideo sub iisdem comprehensi radii ad invicem aequales⁵⁵. Per⁵⁶tertium ergo⁵⁷ suppositum, ipsi CD et DE arcus aequaliter illustrantur,⁵⁸ item quia CBD et DBE anguli ad invicem aequales sunt, ideo ipsi CD et DE arcus ab ipso quoque B signo aequaliter[C:5v] illuminantur. Idem quoque de quibuslibet aequalibus circumferentiis ostendemus.