[A:14v] [C:53r] [S:68]

106 Ad lectorem

Haec habui, lector humanissime⁶⁴⁹, quae de forma, situ, atque coloribus iridis, quo⁶⁵⁰ ad geometricam demonstrationem pertinebat, traderem. Omnes enim authores⁶⁵¹, qui de hoc negocio⁶⁵² conscripserunt, quamvis multa dicant, nihil tamen⁶⁵³ demonstrant. Omnes enim aut non animadvertunt, aut negligunt quantitatem anguli reflexionis sub quo spectatur iris. Unde tota ferme⁶⁵⁴ demonstratio, ut diximus, dependet. 107 Audio quosdam inveniri libellos in Germania⁶⁵⁵ ut per indicem quendam vetustorum exemplarium⁶⁵⁶ Andreae Stiborii⁶⁵⁷ Canonici Viennensis didicimus, in quibus huiusce⁶⁵⁸ rei demonstratio tractetur⁶⁵⁹, quos ego nondum vidi. Tu autem, quicumque veritatem, caeteris⁶⁶⁰ contemptis, amas, poteris haec nostra cum alienis conferre, ut si discrepaverint, consultis acribus⁶⁶¹ iudiciis, veracior sententia eligatur. Illa enim erit veracior, quae magis experientiae consenserit. Aut si concordia fuerint, ampliori testimonio veritas comprobata teneatur. Vale. [C:53v]

Hora⁶⁶² vesper.⁶⁶³ diei Dominici in Carnisprivio postremi 12^o664 Febr. 11^ae665 Indictione⁶⁶⁶1553.