Theorema VI

Quod⁵¹ si diaphani plana parallela non fuerint⁵², nunquam [C:28v] res per lineam spectabitur⁵³ directam, sed per radium utrinque ad aequos⁵⁴ fractum angulos.

12 Per rectam enim lineam spectari non potest, quandoquidem rectam aliquam utrique plano perpendicularem esse impossibile est. Per diaphanum igitur a, b, cuius plana a, b⁵⁵ non aequidistant , signum d spectabitur per radium cabd, in a et b ad aequos inclinationum angulos fractum. Nam si d, per lineam plano b perpendicularem et in plano a fractam aut e contrario appareret⁵⁶, eadem ratione, per lineam ab oculo c plano a perpendicularem et in plano b fractam⁵⁷ aut conversim videretur. 13 Quare ex uno diaphani plano unius rei duo⁵⁸ viderentur simulacra. Quod est absurdum.

Corollarium

Hinc manifestum quod ea, quae per planarum superficierum diaphana transparent⁵⁹, nunc in rectitudine, nunc altiora nunc [S:34] inferiora, nunc dexteriora aut sinisteriora⁶⁰ quam sint, videntur.⁶¹