<Propositio> 12^a

77 Omnis quadratus cum radice sua et cum radice sequenti coniunctus, consummat⁵⁷ quadratum sequentem.

Exempli gratia: quadratus quarti loci scilicet 16 cum radice sua scilicet 4 et cum radice sequenti 5 compositus, consummat⁵⁸ quadratum sequentis loci scilicet 25. 78 Nam per nonam praecedentem, quadratus quartus cum radice sua coniunctus, efficit quintum parte altera longiorem; per decimam vero praemissam, quintus parte altera longior conflet⁵⁹ iunctus cum quinta radice, quintum quadratum. Igitur quartus quadratus cum quarta et quinta radicibus acceptus conficit quadratum quintum; sicut proponitur.

20 16 25 4   5