F  r  a  n  c  i  s  c  i        M  a  u  r  o  l  y  c  i        O  p  e  r  a        M  a  t  h  e  m  a  t  i  c  a
Introduzione Help Pianta Sommario
Archimedis de momentis aequalibus Liber secundus 32
<- App. -> <- = ->

PROPOSITIO XXXII.

Trianguli propositi centrum gravitatis comperire.

figura 36

Sit triangulum propositum ABC oportet eius gravitatis centrum invenire: secetur unum laterum dati trianguli, ut pote ipsum AB in puncto D, ita ut BD dupla sit ipsius DA, et per D punctum ducatur ipsi AC aequidistans DE, quae per aequalia secetur in puncto F, quod per 18. huius, erit centrum gravitatis trianguli ABC. Quod erat comperiendum.

Vel sic a quolibet dati trianguli angulo, ut pote B ducatur ad punctum G, in quo AC per aequalia secetur linea BG, quae ita secetur in puncto H, ut BH dupla sit ipsius HG, eritque punctum H centrum gravitatis quaesitum per 25. huius.

Vel sic duo quelibet latera dati trianguli AB, AC per aequalia secentur in punctis K, G, et ducantur BG, CK, quae se vicissim secabunt in puncto H; quod per 26. huius, erit quaesitum centrum.

Inizio della pagina
 ->